Da solchs gescheenn was. wart zůstůndt ein geschreÿ in des kaÿsers heer
wie das die auff dem Schlos daůor der kaÿser lag. hetten den gezeůg.
vnnd das gerůst abgehawenn. Demnach Graf Thÿmo
eÿlend dahin zcog. vnnd daselbst in ainem streÿt baldt tot bleÿb. Vnd
Wiewol sein Sůn Dedo vnnd Marggraff Cůnradt erblich
gerechttigkait hettenn. zů der Marck zů Meÿssenn. doch kůnten sie
derselbenn gewehr vnnd besitzůng lang nit erlangenn. Derhalben aůch
Marggraff Cůnradt dises Marggraůen Thÿmo Sůn zů den
zeiten des Romischen kaÿsers Lotharÿ des Namen der annder erstlich
zů der besitzůng gemelter Marck zů Meÿssenn kam.