Zwischenn disem Marggraff Cůnradt von Meÿssen vnnd Graff Hainrich
vonn Eÿlenbůrg dem Iůngern erwůchs ein gros vnaÿnickait. Vnd
Nemlich anfangs diser vrsach. Es begab sich das einer vor Marggraůen
Cůnradt etwas redendt. Graůenn hainrich Marggraůen Cůnradts
vetter nennet. Das verschmacht Marggraff Cůnradt ser. Vnd
sprach. Er hett keÿns kochs Sůn zů ainem Vettern. Welchs daher
kam das etliche ein gerůcht machten also solt des alten Marggraůen
hainrichs gemahel die zeit ÿres herren abgangs. Vnnd darnach
nit von ÿm schwanger sein. Sůndern ein kissen zů einem scheÿn fůr sich
genúmmen haben. Vnnd wiewol sie den Jůngen hainrich gebar.
Dennoch sagtenn sie er wer nit ÿr Sůn. Sůnder ein wechssell kindt
Vnd eines kochs Sůn. Vnnd wiewol die Grefÿn hett solchen Sůn in der