warheit gebornn. Dennoch důrfft sich ÿrer abgůnner ainer ein
Ritter vermessen. vor dem altar zůschwern. das gedachter Marggraf
eines kochs Sůn wer. Daher kam es das Marggraff Cůnradt Marggraf
heinrichs eines kochs Sůn nennet. Welch schmeewort aůsbrachen Vnnd
entlich von vil leůthen Marggraffen hainrich angetzaigt wart. Welchs
Marggraůen hainrich also verschmeet. das er dem Marggraůen Cůnradt
absaget. Es glůcket aůch Marggraff hainrich also das er Marggraff
Cůnradt fieng. Vnd aůff dem Schlos kirchberg beÿ Ihene in hartem
gefencknÿs hielt. vnd der falsch Ritter in demselben Ihar des
geelichen tots starb. Vnd damit laůt seines schwerens beweÿst.
das Marggraff hainrich ein rechter natůrlicher erb wer. Wann
er hett geschworn. er wolt eines bosen endts sterben. wenn Marggraff
hainrich ein rechter erb wer. Aber Marggraff hainrich lebt nit
lang darnach.

Als nůn Marggraff Cůnradt merckt aůs dem betrübnys des gesindts.