das ÿr herr Marggraff Hainrich gestorben was. vberredt er die Jhenige
die ÿn Inn bewarůng hetten. aůs dem gefencknÿs ledig zůlassenn.
Welchs aůch also geschah. Daraůff er zůstůndt. sich zů dem hertzog
Lothar oder Lůder vonn Sachssenn fůgt. mit welches hilff er nit
allein sein Marck vnnd gůter. Sůndern aůch des Marggraůen hainrichs
von dem er gefangen was erlanget. Also vberkam diser
Marggraff Cůnradt alle dreÿ Marck. Lawsatz. Meÿssen. vnd Osterlandt.

Dieser Marggraff Cůnradt verbracht nach totlichem abgang seines
Brůders Dedo. Welcher kaÿn leibserben lies. das closter gnant der
Lawterberg vor halle. Nach Cristi gebůrt Taůsent hůndert vnd darnach
Im Viervnnddreÿsigstenn Jhar.