Diser hochgelobter Fůrst als er von dem Romischen kaÿser Lothar.
des namen der ander die zwů Marck Meÿssen enpfangen. Vnd
in lehen genůmmen het. beweget aůs sůnderer andacht vnd lieb
zú Got. zcog er zů hilff dem hailigen Grab in das hailig
Lanndt mit ainem grossen heer. Welchs aůs dem Cristlichen Folck
wider die vnglawbigen zcog. vnd het ein mercklich anzal seiner
Ritterschafft. manschafft. vnd anderer seiner lewt mit ÿm. vnd geschah nach
Cristi gebůrt Taůsent hůndert vnd darnach Im Fůnffvnddreissigsten Jhar.