Pfaltzgraff zů Sachssenn vnd sein brůder herman aůch Pfaltzgraff zů
Sachssen. mit vil andern namhafftigen. Vnd es warn des Folcks aůs Sachssen
Důringen itzt genanten marcken Meÿssen vnnd Lawsatz vnd aůs Wenden.
wol Sechzcick tawsent man. Welchs aůch darůmb desterbillicher
mag hie vermelt werden. das soůil taůsent menner die zeit allein důrch
die lieb Gotes haben kůnnen zůsammen gebracht werden. den hailigen
Cristlichen glawben wider die vnglawbigen zůůerfechten. Dÿweil
doch itzt so gar wenig genaigt sein zů solchem gotlichen fůrnemen.
Also ist diser Marggraff Cůnradt zweÿmal Im hailigen Landt gewest.

Dyweil nůn diser lobwirdiger Fůrst Marggraf Cůnradt zů Meyssenn in
dem hailigen Lanndt zům andern mal war starb ÿm sein Fraw Lůckart.
vnd gieng also zů. Es begab sich das dieselb edel Fůrstÿn aůff
Sant Petersberg Welchs aůch der Lawterberg genant wirt zcog. vnd lies