zů der ader. aůff den andern tag lies sie ein begerůng ader bit an
den Probst raichen. als ÿr aber solch bit wart von dem Brobst
abgeslagen. zcog sie mit grossem zcorn gein Gerbstet von dannen zů ÿrn
tochtern. Da sie aůch aůs vbermessiger bewegůng in kranckhait fiel.
Vnnd starb aůch dauon. ann dem achtzehenden tag Julÿ nach Cristi
gebůrt Taůsent hůndert vnd Im Sechsvnndvierzcigsten Jar. Derhalbenn
ÿr tochter daselbst Eptissin aůs rat Graůen hoyérs von Mansfelt.
yren leichnam zů Gerbstedt begrabenn lies.

Diezeit was Marggraff Cůnradt aůff dem widerweg aůs dem hailigen
Lanndt. vnd erfůr Im Landt zů Baÿrnn das sein gemahel gestorben
was. Derhalben er zůstůndt mit grossem vleÿs fraget. wo sie hin
begraben wer. Als er nůn erfůr das sie aůs rat vor benants Grafen