Hoÿers vonn Mansfeldt gein Gerbstedt begraben was. wart er hoch bewegt.
vnnd schwůr das er wolt den Graůen von Mansfeldt dahin zwingen. das
er sie můst mit seinen aÿgen henden wideraůsgraben. Welchs
aůch also geschah. Dann als der Marggraf wider heÿm kůmmen was. vnnd
Graff hoÿer vonn Mansfelt merckt das er in ser schwerer vngnad wer des
Marggraůen. Aůch das er sein gnad nit kúnt wider erlangenn. er hett
dann ÿm wider geschafft seiner verstorben gemahell leichnam. Darůmb
nach verrůckůng ains halben Jhars nach dem begrebnÿs kam gedachter
Graff Hoÿer heÿmlichen gein Gerbstet mit etlichen seÿnenn dienern. vnd
vberredt die Cůster vnd bewarer des Gotshaws mit schenckůng etlichs
gelds. ÿn einzelassen. Vnd grůb also die tote Marggrefin aůs.

Darnach bracht Graff hoÿer vonn Mansfeldt die tote Marggrefÿnn wie
sie sich vnterredt hettenn gein Wittÿn da der Marggraf ÿr wartet.