Des nachfolgendenn tags. So bald es gegenn dem tag kam. schickt kaÿserr
karrll sein Sůn den Jůngern Karrl den flůchtigenn feÿnden nachzůeÿln
der sie aúch an der Lip aůff dem feldt beÿ dem berg Oisling beÿ dem
dorff Lemmegaw fandt. vberwandt. Vnd allen den die den hailigen
Cristlichenn glawben nicht wolten annemen. leÿb vnnd gůt nam.
Vnnd ist gescheen nach Cristi gebůrt. Sÿbenhůndert vnd Im Dreÿ=
vndachtzigstenn Jharr.