Welch Bebstlich Priůilegiúm folget. vnd hett disenn inhalt in der
vertewtzůng Eůgeniůs Bischoff ein knecht aller knecht Gotes.
enbewt seinem lieben Sůn dem Edeln herren Cůnradt Marggraůenn sein
grůs vnnd Bebstliche benedeÿůng. Deiner Lieb brieff haben wir gůtiglich
enpfangen. vnd loben dein andacht gegen dem hailigen Apostel Sant Peter
vnd der kirchen Gotes die wir aůs derselben deiner schrifft dich gegen
ÿn habenn wol ermessen. Derhalben so wir genaigt sein dein loblich
gelůbd der kirchenhalben daůon dů vnns gebeten hast. zůerfůllen. haben
wir beschlossen dir solchs zůgestaten. Derwegen wir vnserm Ernwirdigenn
brůder dem ErtzBischoff von Magdebůrg schrifftlich gebietenn. das er welle
laůts deiner bit dein beger nach schaffen. Aůch wellest
vleisig befoln haben vnsern lieben Sůn den Probst zů Meÿssen vnd
sein khorherren oder Thůmhern Aůf das sie von dir schůtz vnd hanthabůng
wider ÿr beschediger vnd verletzer můgen haben. Gegeben zů Tůscůlan
am dritten tag Marcÿ. Daraůs zůermessen.
das das Stifft zů Meÿssen aůs Bebstlichem beůelh vnd mandat von
den Marggraůen zů Meÿssen sal geschůtzt vnd gehanthabt werdenn.

Die zeit wart konig Swein von denen des Marggraůen Cůnrat tochterman