důrch sein mÿsgünner kanůnth vnnd Woldemar aůs dem konigraich vertriben.
Derhalbenn er seinem schweher flog. beÿ welchem er gar schier zweÿ
gantze Jar was. vnd entlich důrch sein gewalt. aůch mit hilff des
Hertzogenn von Sachssen hertzog Hainrichs des lewen wider in sein
konigRaich gesetzt wart.

Nach Cristi gebůrt Taůsent hůndert vnnd Im SechsvndFůnfftzigstenn Jar
beschlos diser Marggraff Cůnradt důrch gotlich Vermanůng sein leben
in besserůng zůandern. In betrachtůng der kůrtze. des Lebens. vnd in
besorgůng so er der welt lenger anhieng er wůrd mit der welt aůch
verderben Darůmb nam er ÿm fůr die welt zůůerlassen.
vnnd sich in ein closter zůgeben. Vnd nachdem er in maÿnůng was. das
Closter Sant Petersberg welchs er mit vil grossen gůtern begabet
vnd Versehenn hett. aůch aůff zůkůnfftige zeit zůůersorgen vnd gnůgsamlich