zcog er sein weltliche claÿdůng vor Sant Peters altar aůs. vnd
zcog an die gaistliche claÿdung die er aůs den henden des eegemelten
ErtzBischoffs vonn Magdebůrg annam mit grosser andacht der Jhenigen
die dabey warnn. Welche aůch vor Innickait weÿnten. das sie ein solche grosse
gaistlickait in aÿnem also trefflichen Fůrsten erkantenn.

Darnach fordert er alle sein sůn vor sich. vnd befalh ÿn dis vilbenant
Closter mit allem vleis. In betrachtůng das sie Irn Vater
vnd ÿr můtter darInnen hetten. Vnd das sie aůch selbst da nach ÿrem
totlichen abgang růhen wůrden. Dis alles ist
gescheenn an Sant Andreas des hailigen Apostell tag. An welchem
er aůch ain walt gegen dem aůffgang der Sůnnen am Closter gelegen
dem hailigen Apostell Fůrstenn Sant Peter aÿgent vnnd gab.