Jnn disem můnchen standt lebt diser Marggraff Cůnradt zwen monat vnd Fůnff tag. vnd starb in ainem hailigen fůrnemenn an Sant Agatha tag Im NeůnvnndFůnfftzigsten Iar seines lebens. Vnd wart begraben von dem ErtzBischoff Wigman von Magdebůrg seiner swester Sůn.

Beÿ seinem begrebnÿs warn aůch dise Fůrstenn vnd herren Marggraff Albrecht vonn Brandenbůrg der sein tochter hett. Marggraf Herman Marggraůen Albrechts Sůn. Bischoff Walo vonn halberstadt. vnd alle dises Marggraůen Sůn. aůsgeschlossenn Marggraff Otto vonn Meÿssen. Welcher důrch anndere geschefft verhindert nit dabeÿ sein kůnt.