hat dem benanten Closter aůff dem Lawternberg den Weingarten zů
Bodegrůne den man des Marggraůen nennet. Aůch ein gros dersal Sant
Peter. vnnd Dritthalb marck golts zů ainem grossenn kelch. der
darnach gestoln. vnd den Jůden zů halle versetzt wart. gegebenn.
Aůch gaben sein erbenn Marggraff Otto von Meÿssen vnd Graff Dedo von
Rochlitz gebrůdere Sechtzick marck Silbers. Vnd dreÿ Pfůndt
geltzins zů aÿner selgedechtnÿs. dises Fůrsten brůder Nemlich
Marggraff Otto gab dreÿsig. vnnd Graff Dedo lies dreÿsig nach an dem
dorff Gocker das er gelost hett. von der kirchenn zů Begaw. Vnnd sie
erbten alle seine Landt. Nů wolt ÿn der Romisch kaÿser Friderich.
Laůsatz nit leÿhen. Deshalb es Dedo vmb Viertaůsent marck vonn ÿm
můst losen. vnnd bleib beÿ der herschafft.

Diser Marggraff ist gewest einer von den obirstenn Rethen des Romischen
kaÿsers Fridrichs des Erstenn Vnd ains tags da sich der Romisch kaÿser
mit dem Babst Alexander des namen der Drit voraÿnigt hett. vnnd zů