Venedig vor der kirchenn Sant Marx. vnd der Romisch kaÿser aůs rath
des ErtzBischoff Wÿgmans vonn Magdebůrg vnd dises Marggraůenn Dittrichs
sich also demůtiget. das er in gegenwertickait aller Prelaten vnd Fůrsten
dem Babst fůr sein fůssen lag. Vnd ÿn der Babst fůr sein fůssenn ligen
lies rieff diser Marggraff Dittrich mit zcorn sprechendt. warůmb der Babst
die kaiserliche Maiestat solcher schandt vnterworffen hett. Derhalben
der Babst fraget. was der Teůtzsch redt. Vnd als er des bericht wart.
hůb er schnelliglich den Romischen kaÿser aůff, Vnd gab ÿm den kůs
des frids. Nach Cristi gebůrt Taůsent. hůndert vnd Im Sibenvnnd
Sibentzigsten Jar. an dem abent des hailigen Apostels Sannt Jacobs.

Da diser Marggraff Ditterich seines Sůns Marggraůen Cůnradts
důrch totlichenn abgang berawbt wart. was er lang getailt, von seiner
Frawen Dobergena. die do starb, vnd er nam wider kůngůndam ein