Diser Fůrst ist in ainem Tůrner Im Osterlandt mit eÿnem Spies
důrchrandt wordenn. am zehenden tag des Decembers Weÿl nůn
dasselbig Rennenn vnd stechen in disenn Landen die zeit also vberhandt
genůmmen hett. das In aÿnem Jhar zwelff Ritter důrch rennet
wůrden. Deshalb der mergedacht ErtzBischoff Wigman zů Magdebůrg
mit seinen sůffraganeis. ader vnterworffen Bischoffen alle die
verbannet die dem Rennenn stechen oder tůrnÿrn nachzogenn. Vnnd
als er vernůmmen hett. das genanter sein Vetter Marggraff Cůnradt
Von lawsatz tot blÿbenn was. schicket er sein botschafft eÿlends.
Vnnd verbot ÿn aůff das geweÿht zůbegraben. Darůmb
hett er mit gedachten seinenn Bischoffen ain Sÿnodt oder tag zů hall.