Diser Graff Dedo folget seinem Vater vnd stifftet zů Schilda ain schon
Closter etwann der regler monch. Aber itzt der Teůtzschen herrenn.
Welchs ist gestifft worden. Nach Cristi gebůrt Taůsent hůndert. Vnnd Im
ViervnndSibentzigsten Jhar. Vnd die ersten brůder wůrden mit
dem Probst Dittrich von dem Lawternberg dahin gefůrth. Wie es
aber an die Teůtzschenn herren kůmmen ist findt man zů Leÿptzk.
in Sant Thomas Closter ein lang historien. Wann etlich brůder
edel von gebůrt. aber vnedel von tůgenden vnnd siten. vorlemten ÿrnn
Probst einen alten Erbarn man an ainem Fůs. vnd lebten also vnordenlich
das sie von den Voÿten des Marggraůen vertriben wůrden. Vnd die
Teutzschen herren mit gaben vnd gifft darein kamen. Wie vorgesaget
ist. Das Dedo seines Vaters brůder der do hett Bertham des Graůen.