Otto. Hertzog vnnd Marggraff zů Osterreich. Hernn. Eckhardt.
Bischoff zu Bamberg. Vnd hern. Bertoldt. Patriarchenn zů
Aqůileÿenn.

Er hett aůch Dreÿ Tochterr.

Die Erst gab er dem konig Philips vonn Franckraich.

Die annder dem konig Andreas von Vngarn. Welche
was Sannt Elisabet der hailigenn Lantgrefÿn můterr.

Die drit gab er hertzog Hainrich von Slesÿen Sant hedwigen můter.

Es begab sich die zeit das der Romisch konig Hainrich sich zůůermeheln.
in Jtalien zcog. vnnd fordert disenn Grauen Dedo mit ÿm zůzciehen
Nůn gedacht diser Dedo an die bose lůfft des welschen Lands vnd die
Langen reÿse ÿm vnbeqůemlich sein. von wegen das er ser feÿst was.