Von der gebar er Dreÿ Sün

Graff. hainrich. der in der Iůgent starb. Graůen Cůnradt.
Welcher aůff dem Gebichenstein gestorbenn ist. Nach Cristi gebůrt
Tausent hůndert vnnd Im Sybenvnndachtzigsten Jhar. vnd aůff dem
Laůternberg begraben worden. Vnnd fůr sein sele wart geopffert
das dorff Ternitz bey Nÿemick. vnd acht hůfen landes. die darnach
Graff Otto vonn Brene mit dem Closter verbewtet. vmb ander gůter beÿ dem
Clebitz gelegen. Er hett aůch noch aÿn Sůn Graůen Vlrich.
zů Wittÿn.

Vnnd ain Tochterr Sophia. welche dem Bůrggraůen Bůrckhart
vonn Magdebůrg vermehelt wart.

Vnd diser Graff Hainrich vonn Wittin ist gestorben nach Cristi
gebůrt Taůsent hůndert. vnd Im ainvnndachtzigsten Jhar am dritten
tag des Septembers. vnd aůff dem Lawternberg begraben wordenn.
Derhalbenn sein witwe Lanntgraff herman in Důringenn Vnd
hessen aůch Pfaltzgraff zů Sachssen nam. Von dem sie ain
tochter gebar Iůtta genant. die darnach Graůen Ditterich von Weÿssenfels
gegeben wart. Vnd ain můter was. des ersten Lantgraůenn zu
Důringen aůs dem haws zů Meyssenn.