Diser Graff hat gekriegt mit den Graůen vonn Anhalt. vnd als er syghafft
Vnd syglos lange zeit gewesen was. fiel er in ain kranckheit aůff seÿnem
Slos Wittÿn Daran er aůch starb. Nach Cristi gebůrt Taůsent zweÿhůndert Vnd
Im Sechsten Jhar. Im October. Vnd wart aůff dem Lawternberg begraben
zů der lincken seÿten seines Vettern Graůen Fridrichs von Brene Aůch
wůrden zů seiner sele hail dem benanten Closter gegeben Sechs hůfenn
Landts In dem dorff Lechnitz