lichenn vesten Schlos Wÿdekintsbůrg nicht hetten vermocht zůer=
halten. hab konig Wÿdekint vom kaÿser karrll ein solchen frid vnd
richtůng angenůmmen. das er zweÿ Jar solt aůs dem Landt weichen.
Vnd den halbenn tail des Schlos Wÿdekintsbůrg kaÿser karl gebenn.
vnd die Cristenn Inwendig bemelten zweÿen Jar nicht beschedigenn.
Welchs konig Wÿdekint mit vorpfendůng seÿner lewt gelobt. Daůon
hat aúch nach antzaigůng der Sachssen Cronicka Minden den namen
vberkůmmen. Darůmb das konig Wÿdekint hat gesprochen
zů kaÿser karl Dise borch schol mÿn din sÿn. Das ist. Dise Bůrg sal
mein dein. Oder meÿn vnnd dein seÿnn.

Da konig Wÿdekint nach benanter Richtüng aůff zweÿ Jhar. bedacht