Diser Fridrich was ain loblicher tůgentreicher Fůrst. aber schwachs leibs.
Deshalb er aůch kůrtzlich verschiedt. Nach Cristi gebůrt Taůsent hůndert
Vnd Im ainvndachtzigsten Jhar. Vnd wart begraben aůff dem Lawternberg
beÿ seinem Vater Marggraff Cůnradt gegen dem Nidergang.

Nach seÿnem todt stifftet sein nachgelassene Witwe mit ÿren Sůnen
das Jůnckfraw Closter zů Brene. Vnnd wart verbracht nach cristi
gebůrt Taůsent zweÿhůndert. Vnd Im dritten Iar. Darnach
Wart ÿr Sůn Otto zům erstenn dareÿn begrabenn.