Als diser Fůrst aber gehort hett. die newen regel des Cistercierordens aůff
kůmmen sein. wart er beweget aůs gotlicher eingebůng ain solch Closter
in seinem Landt zůstifftenn. Derhalben er gein der pforten beÿ
Naůmbůrg gelegen. zcog. vnnd daselbst von dem Abte etlich brůder erlangt
in das Closter zů der alden zelle. Das er vonn seinen aigen gůtern gestifft
hett. Welchs ist nach Cristi gebůrt Eÿlffhůndert
vnd Im FůnffvnndSibentzigstenn Jhar gestifft worden. Vnd wart
von disem Fursten mit grossenn gůtern Fůrstlich vnd mildiglich
begnadet vnd versorget. Welchs stiffts vrsach in der Cronicka aůff
dem Lawternberg dise. vnd also vermelt wirt Als dises Marggraůen
weÿb aůff ein zeit aůff dem Lawternberg beherbergt wart.
vernam sie wie das die Vogteÿ alltzeit dem eldisten des geschlechts.