angehoret. Als sie nůn wider zů ÿrem gemahel kam. sagt sie sich verwůndern
weshalben er dem selben Closter soůil gůts zůzcoge. seint sein kinder
kain recht darInnen haben wůrden. vnd meint besser vnd billicher
sein. das er in seinenn Landen ain aÿgen closter bawet. DarInnener sein
kinder vnd nachkomen. gerechtickait mochten habenn. zů herschen. Also wart aůs
diser vrsach das Closter zů der Aldenn zcelle In vermelten Jar. gestifftet.

Nůn hett Marggraff Otto dem genanten closter das dorff. vnd die Stat da
itzt Freÿberg vnd das Berckwerck ist gegeben. daselbst nach Sechs Iarn
der almechtig die ader des silbern Berckwergs erscheinen lies. Vnd das
benant Closter in grossen zeitlichen gůtern begabet. Weÿl
nůn das Ertz dem Fursten gebůrt. gab diser Marggraff dem Closter vor
gedachte Stat vnd Bergwerck das Stetlen Růswÿn zů ewiger eÿgenschafft.