Zůmerer dancksagůng vmb so grosse vnnd vilfaltige gotliche woltat.
stifftet diser herr. vnter andern aůch ein Closter Regler ordens
aůff der Mÿlde beÿ Lesenitz Crÿmmatschaw. oder als etlich meÿnen itzt
Crÿmmitschaw gnant. Inn die Ere vnnser lieben Frawenn. vnd bracht zůwegen
von dem Bischoff zů Naůmbůrg erlassůng alles zcehents mit sechzcig
zůgehorenden lehin. ader hůfenn. Die er demselbenn Closter mitsambt
seinem brůder Dedo Graůenn vonn Rochlitz zůgeaigent hett. vnd
důrch bestetigůng kaÿser Fridrich des Erstenn mit dem Maiestat
Sigil das da noch vor Naůmbůrg In dem Closter Sancti Maůricÿ
vnter das etwan eegedachte Probsteÿ gehort hat. noch gesehen wirt.