Hastrat genant die vnglawbige Sachssen vnnd Friesen vnd thet den
Cristenn vil vbels. Aber kaÿser karll stewrt ÿm baldt. vnd erslůg
ÿn Inn eynem streit. Die andernn straffet er manchfeltiger weÿs.
Vnd nemlich lies er etlich verblenden. vnd etlich verschickenn. Aůch
geschahenn etlich cleÿne streÿt die baldt ain endt namen.

Es schreibt der hochwirdig herr Ade Bischoff zů Vienna In Franck=
raich Jn seÿner kůrtzenn Cronicka. das nachdem die Sachssen
ains vor eÿnem Schlos so er Bůnabůrg nennet. lagen. vnnd die
kirchenn vor demselben Schlos gelegen. wolten anzcůnden. Welche