Da nůn diser Marggraff Albrecht hett vernůmmen. das sein Vater. hett.
ein tail seiner parschafft Im Closter zů der Alden zcell gelassen
zcog er zůstůndt dareÿn. vnd fordert das geldt von den brůdernn
desselben Closters. Welchs gelds war dreÿ taůsent
marck silbers. von gar redlichen renten vnd zcinsen zůwegenn
gebracht vnd gesammelt. Vnd vnůermenget mit vngerechtigkait
Welch geldt der Marggraff zů hail seiner selen in das gemelt
Closter gegebenn hett. Derhalben fordert der Marggraf.
die můnchen des Closters. begerendt. ÿm solch Parschafft zůraichen.