Lanntgraůen Lůdwigs Sannt Elisabet gemahell. vnd mit ÿr erlangt Dreÿ Sůn.
Otto. Cůnradt die bede Jůng sein gestorbenn. vnd hainrich.
zwey Jhar vor seÿnem tot. welcher der erst Lanntgraff in Důringen
gewest ist aůs dem Edelnn haws zů Meÿssen. Aůch hat er ein tochterr
mit seÿner Frawen gehabt hedwig. die aůch Jůng gestorbenn ist.

Als nůn Marggraff Otto vonn Meÿssenn gestorben was. nam sein Sůn
Marggraff Albrecht die Marck zů Meÿssen ein. welcher aůch so baldt bewegt
aůs dem vnwillen seinen brůderr Graff Ditterich von weÿssenfels
anfieng aůffs aller hefftigst zůůerfolgen. vnd hett ÿn gern erblos
gemacht. vnd gantz aůs dem Lanndt vertrieben. vnd thet ÿm gar schier