Da solchs dem Graůen vonn Weÿssenfels zuůersteen gegeben was.
beschlos er wider heÿm zůzciehen. Beúor aůff anregůng vnd erInnerůng
seines schweers des Lantgraůen Hermans von Důringen. Welcher
ÿm aůch warnůng thet sich vor dem Romischen kaÿser vorzůsehen. wann
nach dem der Romisch kaÿser Im fůrgenůmmen hett. Meyssen vor sich
selbst zůbehaltenn. bevlÿs er sich den Graůen von Weÿssenfels wie er
vermocht vmbzůbringen. als ein natůrlichen erben derselben Marck.
damit er nach desselben tot mocht mit besserm schein beÿ demselben Landt.
bleÿben. Derhalben wart aůch diser Graff vonn Weÿssenfels so hoch
beschweret vonn dem kaÿser mit heÿmlichem nachstellen. das er sich
nit offenberlichen důrfft in das schiff gebenn nach seinem Landt wider
zůzciehen. Sundern er wart von etlichen seinenn getrewen dinern in aÿn Fas
vermacht. vnd wolbewart in aÿn schiff aůff das Meer gebracht. Vnd hett
soůil mÿssgůnst vnd vngnad beÿ dem kaÿser. das wenn der kaÿser nit gestorben
wer. wer er vmb sein leben kůmmen.

Als nůn der Almechtig disem Marggraůen wider in sein Lanndt