geholffenn hett. Dartzů ÿm aůch sein vil benanter schweher Lantgraff
Herman von Důringen beÿstandt ertzaigt. nam er das ganntz Lanndt
zů Meÿssenn ain. Dess. das gantze LantFolck hoch erfrawet war. Das
es seinen rechten natůrlichenn erbherrn wider bekůmmen hetten.

Der ErtzBischoff Albrecht vonn Magdebürg hat disenn Marggraůen Dittrich
aůff anregenn des Apts Seÿfrid zů Pegaw in bann. vnd aůff die zweÿ
Bisthůmb Meyssen vnnd Mersbůrg ein Jnterdict gethan. Vnd
nemlich derhalben. Da Marggraff hainrich von Lawsatz. Marggraff
Wigbrechts (. der das closter zů Pegaw gestifft .) Sůn. an erben verstorbenn
was. erlangt Graff dittrich Graůen Dedo vonn Rochlitz Sůn. des erstbenants
Graůen Schlos Groÿsck nit fernn von disem Closter gelegen. mitsambt der Pfaltz,