vmbsties Wann als die gedachte Bebstliche Commissarien die sach vnd gezeůgenn
darůber verhort hetten. sprachenn sie das vrtail fůr den Apt
vnd wider den Marggraůen. Vnd gaben dem Apt zů ainem Execůtor
desselben sprůchs ym dar zů zúhelffen. den Bischoff vonn Brandenbůrg
Welcher auff empfaůng des Mandats obenbenanter Bebstlichen Commissarien
gein Groÿtz kam. fordert vor sich die Edelleůt vnd Pawrn vnd verbot
ÿn aůs Bebstlicher gewalt. vnnd Commission daselbst ein zcoll. Marckt.
vnd můntz hinfur zůhaben. Er thet auch alle die Jhenige in Bann die
in demselben dorff von des Marckts vnd kaůff handels wegen ÿr wonůng hetten.
Da aber der Apt noch nit gnůge hett vnd erstatůng erlangt von dem
Marggraůen von wegen der schedenn von ÿm enpfangen. die er hett geschatzt
vnd gerechet aůff Sÿbenntawsent vnd funffhůndert marck sÿlbers. Saget
der Marggraff er hett sein Erbgůter von dem Romischen kaÿser vmb Eÿlfftawsent
marck silbers geloset. Er wer aůch nit willens ÿm aÿnige koste
zúbezalen. Derhalbenn der ErtzBischoff Albrecht von Magdebůrg alle
gůter vnnd die ganntz herrschafft des Marggraůen mit dem Jnterdict beschweret.
Bissolang entlich der Marggraff vnd der Apt sich freůntlich vertrůgen.

Als nůn diser Marggraff von Meÿssenn Dittrich seins vertorben brůders
Landt aůch eingenůmmen. was er seines brúder Rethen vngnedig. vnd