Darnach behielt die Marggrefÿn dises Marggraůen nachgelassenn witwe
mit yrem Sůn hainrich. der kaůmet zweÿ Iherig was die Landt so lang
bis das sie aůs rat etlicher die sie vermeÿnt ÿr gůnstig sein.
Graff Boppo vonn henneberg sich heÿmlichen vermehelt. Deshalb
yr Bruder der hailig Lantgraff Lůdwig von Důringen. den derr
Marggraff zů ainem vormůndt seines Sůns vnd der Landt gesetzt hett.
mit heer gein Meÿssenn zcog. Also můst die Marggrefÿn
abzciehen. vnd bracht heimlich mit ÿr hinweg ÿrn Sůn Marggraůen
Hainrich noch ein kindt. Nůn het ÿr der Marggraff beÿ
seinem leben die bestenn pflegen der Lanndt vermacht. Von welchen sie
hett vonn wegen der verrůckůng des witwenstůls kůnnen aůsgeschlossen