Bischoff vonn Mersbůrg vnnd herrn Gebhart von Qůernfürt
Frid zůmachenn. Als aůch geschah. Also wart das Schlos
dem Stifft zů Magdebůrg Sant Maůricio zů eren widergegebenn.

Als diser Marggraff merckt das sein brůder Lanntgraff Albrecht zů
Dúringen sein Sůn wolt an alle redlich Vrsach. vnd allein aůs laůterm
vngrůndigen můtwillenn enterben. vnd yres veterlichenn erbs
entweren. befalh er seinem Sůn. Marggraff Fridrich Teůte so er
an leibserbenn verscheyden war. das er seinen Iůngen vettern
Lantgraůen Albrechts seins brůder Sůn. wolt zu seinen erben setzen.
wie aúch geschah