Vnnd nachdem er sich keÿner hůlff hett von seÿnem schweger konig
Gotfrid vonn Dennemarck zůtrosten. Lies er ÿm vertrawen eelichen
Frawen Swatana hertzogenn Lecho vonn Behem Můmen. Mit
welcher er darnach zů Brene hat das eelich beÿlager gehalten. Aůch
Findt mann das er darnach sie in Behem schwanger hab verlassenn.
Da er hab wider in Sachssenn můssen zciehenn.

Als nün kaÿser karrl allezeit seines kriegs so er mit konig Wÿdekint
fůrht. erfarnn het. die manchfeltige tůgent vnnd schicklickait Inn
konig Wÿdekint. vnnd ain sůnderlichs mitleÿden mit ÿm trůg
trachtet er ÿe lenger mit hoherm vleis darnach das er ÿn mocht.