Zům hailigen Cristlichen glawbenn bekern. Vnd bevlis sich den mit
gůt. lieb vnnd Freůntschafft zůvberwinden den er mit gewalt nicht
kůnt vberwinden. Derhalben aůch kaÿser karll gein Barde=
wick zcog. vnd vondannen ein Graůen Amalwin genant zům
konig wÿdekint. mit pfandt vnd glaÿdt. gůtlich bittend zů ÿm gein
Bardewick zůkůmmen. Welchs Bardewick die
zeit ein Stat gewest ist. itzt ein dorff vngeferlich ain halbe meÿl
vonn Lůnenbůrg. Welche stat aůch darnach dahin villeicht vmb des
saltzwergs willen ist gelegt wordenn da itzt Lúnenbůrg leÿgt.

Aůff solch vleissig vnnd freůntlich ansůchenn kaÿser Karls. kam
konig Wÿdekint mit sambt seinem Sůn. Hertzog Wÿprecht. vnnd
seinem vettern hertzog Albio zů kaÿser karll gein Bardewick
Da sie aůch alle vonn kaÿser karrl in grossen eren wůrdenn ange=