der nÿe kain mort gethan hat. Daraůff Saget konig Wÿdekint
Jch hab ÿn hewt gesehen ain mordt thůn. das menschlich blůt opffern.
vnd gleich als ein hůndt verslinden [lies: verslingen]. Dann er het ein lieplichs
schons kindlein in seinen henden. vnd spilet mit ÿm. vnd als sich das
kindlen wider freůntlich zů ÿm stelt. kůsset diser morder das kindlen
vnd zůraÿs es Inn stůck. Vnd es erschynnen dreÿ andere kindle die er
alle verslang. Des kayser karll vnd all die da warn ser erschrackenn.
Aůch sprach kaÿser karl mit weÿnenden awgen zů konig wÿdekint.
Eÿa meÿn lieber brůder. Jch vonn Cristlichen eldern geborn. vnd
vnter den Cristenn ertzogen. hab nÿe verdient solch gnad zůhaben.
als dů aůff disen tag gehabt hast. Nÿm war Got der almechtig herr
fordert dich zů der selickait. Dů solt nůn nicht lenger die tawf verziehen.
Aber konig Wÿdekint saget also. Aůff ditzmal kan ich deiner erma=
nůng nicht folgen. bis ich die heimlickait des Cristlichen glawbens
bas erfar. Welch sein red vonn ÿderman gelobt wart.

Des andern tags sah konig Wÿdekint ain ander gesicht vnter dem ampt
der hailigen mes. des er sich aůch an kaÿser karll belernt. vnd Sprach.