Jch hab gesehenn Das der so Im půrper gewant vor dem tisch stůndt
in der kirchenn von dem tisch ein ser schon kindlen in ainer gůlden
schůsseln trůg. das er aůch allen. eÿnem itzlichenn besůnderlich in den
můndt stecket. vnd es gieng etzlichen mit grossen fraÿdenn dareÿn.
etlichen vngern. vnd mit betrůbter gestalt. Daraůff kaÿserr
karl Sprach. dů hast mer gesehen. dann ich vnd all meÿn Priesterr
vnd leget ÿm da aůs die verborgen heÿmlickait des allerhochwirdigsten
Sacraments.

Weÿl nůn kaÿser karll merckt. das die zeit der bekerůng konig Wÿde=
kints vorhandenn wer. fůhrt er konig Wÿdekint mit ÿm Inn Franck=
raich vnd lert ÿn in dem Closter Attinack oder Attenbach den hai=
ligen Cristlichen glawben. Ann welchem endt aůch hertzog.
Wÿprecht. vnnd Hertzog Albio getaůfft werdenn