Als kaÿser karll darnach wider in Sachssenn kůmmen was. erwelet
Konig Wÿdekint den hailigen Cristlichen glawben vnd das Sacrament
der hailigenn tawff zů Belem Oder Belhaÿm anzůnemen. vnnd wart
von dem hailigen vnd erstenn ErtzBischoff zů Meintz Sant Bonifaci
mitsambt seÿner Frawen Geůa Oder Seůa. seÿner tochterr Hasela
vnnd ÿrem man Perno hertzogen in OsterSachssen getaůfft. Aúch
wart konig Wÿdekint. von kaÿserr karll aůs der tawff gehabenn.