Solcher bekerüng konig Wydekints wart kaÿser karll hoch erfrawet.
vnndfůrht ÿn nach seiner bekerůng gen Padeborn. vnd nam ÿm
die konigliche kron ab. vnd legt das konigraich zů Sachssenn niderr
vnd machet alle Landt zů Sachssen den Bistůmben von ÿm aůffge=
richt vnd gestifftet. vnd der gaistlickait vnterthenig dieselben Landt
hinfůr. dester bas Im hailigen Cristlichen glawben zůvnterhalten.
Aůch machet kaÿser karll konig Wydekint zů ainem grossen hertzo=
gen in gantzen Sachssen vnd zů Engern. Nam ÿm
den tittel des konigs zů Sachssen. vnd gab ÿm den tittel des Grossen
Hertzogen zů Sachssenn. vnd zů aÿnem zaichenn der verclerůng des
hailigenn cristlichenn glawbens gab kaÿser karrl konig Wÿdekint