ain weÿssenn hengst in sein wapen. der vormals schwartz gewest was.
Vnd konig wÿdekints bekerůng ist gescheen. da man hat getzelt nach Cristi
gebůrt Achthůndert Jar. Vnd alle Landt zů Sachssen seint důrch sein
bekerůng zům tail Im angenůmmen Cristlichen glawben geblybenn.
vnd zům tail haben sie ÿn erstlich seliglich angenůmmen vnd behalten.

Der Sachssenn Cronicka helt also. von der bekerůng konig wÿdekints.
Nachdem kaÿser Karll seÿ am wasser die Oer zůfeldt gelegen an
dem ort da itzůndt Wolmerstet ist. seÿ konig wÿdekint in ainem
zůrissen claÿd in bettlersweÿs in ainem kan vbergefarn. vnd darnach
in kaÿser karls heer gegangen. desselbigen ordnůng vnd wesen zůerfarn.
Darnach hab er sich vnter die bettler gemengt. vnd sich vnter die betlerr
setzt. gleich ÿn des almůsen von kaÿser karrl wartet. Dann kaÿser
karrl hett die gewonheÿt. das er so offt als er in die kirchenn gieng.