den armen lewthen almůsen gab. Also kam Konig wÿdekint
am hailigen Ostertag vnter andern betlern in die kirchen. vnd da
kaÿser karl aůs der kirchen gieng vnd den betlern almůsenn gab.
Sas konig Wÿdekint aůch vnter den betlern. vnd als er sein rechte handt
aůsstreckt. das almůsen zůnemen. wart er beÿ dem krůmmen
fingerr den er an der rechten handt hett erkent. Also wart konig
Wÿdekint gegriffen vnd fůr kaÿser karll gebracht. vnd als er ge=
fragt wart warůmb er als ain bettlerr in das kaÿserlich heer kům=
men wer. Antwort er. darůmb das er mocht die Ordnůng darInn
dester Freÿer erfarn Vnd als ÿn kaÿser karll gefragtt.
was er dann gesehen hett. hab er ym ertzelt das wůnderlich
gesicht. welch kůrtz hernach in seÿner Ordnůng folgen wirt. das
er vnter dem hailigen ampt der mess gesehenn hat.

Nach seÿner bekerůng wart konig Wÿdekint eines so andechtigen.