Die zeit wart Babst Leo des namen der drit da er die hailig Crewtzfart
von Sannt Gregorio dem hailigen Babst aůsgesetzt hielt. důrch betrig
des Primicerÿ Paschalis vnd aines Priesters Campůlůs genant. nach
antzaigůng Platÿne. von den Romern zů Rom in Sannt Silůesters
kirchen gefangen. Bebstlicher zcirhait vnd claÿdůng berawbt. vnd So
schmeelich vnd vbell geslagenn. Das man meÿnet er hett die awgen
vnd zcůngen verlorn Wart aůch darnach in Sannt
Erasmi Closter gefencklich gesetzt. Wiewol er darnach mit hůlff
seÿnes Camrers aůskam. vnd vom Bebstlichen palast důrch den hertzo=
gen von Spolet gen Spolet vnd weÿterr. Etlich Cronicka habenn
vnd nemlich herr Ado Bischoff zů Vien das ÿn die Romer der awgen
vnd zůngen berawbt habenn. vnd das er dieselbenn důrch gotlich
schickůng hab wieder erlangt.