Freůelich vnterwinden. Als nůn hertzog. Hainrich. von Baÿrnn wůste
das hertzog. Lewtolff. der můtterlichen hilff beraůbt was.
begünst er ÿn so ser zůůerachten. das er sich aůch schmeered vnd
scheltwort. wider yn nit enthielt. In mitler zeit kam der konig. Berengar.
vor den kaÿser. Otto. vnd bat ÿn aůffs demůtigst vmb gnade.
Vnd wart aůch in des kaÿsers. vnnd der kaiserin gnad wider genůmen
vnd vnterwarff sich mit dinst vnd gehorsam mit sambt seinem Sůn.
Albrecht dem kaÿser. Otto. Vnd wart darnach wider vom kaÿser mit
kayserlicher gnad. vnd mit gůtem frid in Italien geschickt. Vnd nam das
Raich Jtalie aůff kayserlich begabůng widereÿn. aůsgenůmmen.
die zwů Marck. der Berner vnd Aeglon. mit welchen Hertzog. hainrich.
kaÿsers Otto Brůder vom kayser begabt wart. Vnd ist gescheen nach
Cristi gebůrt Neůnhůndert vnd Im aÿnvnndFůnfftzigsten Jharr.

Dieser Romischer kaÿser. wendet nach abgang der wirdigen vnd seligen
Romischen konigin. Edith. seiner lieben gemahell. alle sein lieb in