Da sich nůn die belegůng hett vber Sechtzcig tag verzcogen.
handelten baide tail vom fride. Darůmb wůrd Graff Eckrecht
des kaÿsers Swester Sůn zů ainem bůrgen gegeben. Vnnd
des kaysers Sůn vnnd tochterman zcogen miteinander in des kaÿsers
here. dem Romischen kaÿser zů fůssenn fieln. vnd berait vnd willig
warn. alle verdinte straff vmb begangene vnthat zůerleÿdenn.
So allein ÿr freůndt. helffer. vnd beÿpflichter zů Gnaden mochten
kůmmen vnd bleÿbenn. Da aber der kaÿser
kaÿn weg vnnd weÿs mocht erfinden. wie er sein Sůn. vnd tochterman
gnůgsam straffen mocht. fordert er ÿm. ÿr helffer vnd gůnner
des handels zůantworthen Welchs sie dann wider mochten
noch woltenn thůn. vnnd eingeen. Wann sie Hettenn sich