In mitler zceit warnn die Baÿrnn. als sie vonn ÿrem aigen here.
Aůch zům tail von dem aůswendigen here. des kaÿsers in gros abnemen
vnd schedenn gefůrt Wann da die Vngarnn hinweg gezcogen
warnn. wůrdenn sie beschediget von dem kaÿserlichen here.
Derhalben wůrden die Baÿrn bezwůngen nach dem Frid zůtrachten. Sie
erlangten aůch ain anstandt. bis aůff den Sechzehenden tag. dess
Brachmondts. Vnnd wart ein tag gegenn Isprůck
geleget Schůldt vnnd antworth daselbst zůůerhoren vnnd daraůff
zůerkennen.