Als sich nůn die Fůrsten vnnd Stende des hailigen Romischen Raichs.
aůff dem Reichstag zů Jsbrůck versammelt hetten. redt der Romisch
kaÿser. Otto. nachfolgende mainůng. Ich trůg
lenger gedůlt So der vnwillen. vnnd gros vngehorsam meÿnes Sůns.
Lewtolffs. vnd anderer meiner widerwertigen allein meÿn selbst aÿgen
person. Vnd nit aůch die gantze Cristenliche versamlůng betrůbet.
Es wer nit zůůil gewest. Das sie mein Stet mit gewalt als die Raůber
beschedigt vnd angriffen. Vnnd aůs meiner gewalt vnd obirkait entzogen.
Wann sie allein mein liebe freůndt. vnnd Graůen nit vmbgebracht.
hetten. Vnnd yrn můtwilligenn lůst mit yrem blůtvergiessen gesetiget
hetten. Dann nemet war vnnd sehent wie ich beraůbt sitz
meiner Sůne. Weyl meyn aigen Sůn mein groster vnd hefftigster
feindt ist. Welchen ich aůch aůffs allerhochst gelibt hab. vnd
von einem mittelmessigen Standt zů dem allerhochsten vnd wirdigsten
Stant erhohet vnd ge fůrdert hab. Welchs noch baides laiderlich vnnd