zůůerdůldenn wer. Wann allein Gottes vnd der menschen feindt
nit in das Landt wůrdenn. Als nemlich die Vngarn gebracht wern
Welche mein Raich verheren. mein Folck vnnd manschafft entwerr
gefangen ader getotet haben. Die Stete vnd kirchen verbrant
die Priesterschafft vmbgebracht. Daůon die gassen sein noch nas von
menschlichem blůt. Das golt. Silber. vnd die parschafft damit ich mein
Sůn vnd tochterman reich gemacht hab. fůren die feinde Cristi mit ÿn
In ÿr Lanndt. Darůmb ist kain boshait vnd vntat vnbescheen verblieben. Vnd
mit solchen worten beschlos kaÿser. Otto. sein Rede.

Als nůn der Reichstag zů Jnsbrůck sein endtschafft erlangt hette. vnnd
die Fůrsten Hertzog. Lewtolff. des kaÿsers Sůn. in kain weg vermochtenn
sich dem Vater mit kintlichem gehorsam zůergeben. Do zcog
Hertzog. Lewtolff. in mitter nacht von dem kaÿser. hinweg gegenn
Regensbůrg mit seinem here. Darůmb zcog der Romisch Kaÿser