Aber die kayserische erfůren yr gemůth. vnd růsteten sich aůch aůfs
vleisigst vnnd best. Dieweil sich nůn die raÿsige n aůszůzciehenn
seůmten. zcogen die aůff der Tůna schleůnig vor sich gegenn dem
kaiserlichen here. Vnd da sie eylendt wolten einfallen als In ein
ledig wagenbůrg. Vnd in welcher kein Folck wehr. da warteten die
kaiserische der Regensbůrger. Derwegen die Regensbůrgerr
zůstůndt wůrden ser erschreckt. allenthalben vmbringt in die flůcht
gebracht. vnd grosser anzal erstochenn. Etliche in dem das sie
wider zů den schiffenn zůeÿlten aůsforcht ertrancken. zům tail
aůch mit schiffen vntergangen. vnd aůch ersoffen. Vnd begab sich
also das von einer mercklichen anzcall des Fůsfolcks gar wenig
mit lebenn daůon kamen.

Aůch wart der Regensbůrgisch Raisig zeůg von dem kaÿserischen
vberwůnden. vnnd in die Stat Regensbůrg geJaget. Aber kaÿser. Otto.