mit seinem sighafftigenn Folck. wider in sein here vnnd Wagenbůrck.
zcog. vnnd bracht nit mer totverwůndte. mit ym in sein here von den
seinen. dann ainen. Vnd alles Vih das des kaÿsers brůder Hertzog.
Hainrich. den von Regensbůrg weggetriebenn hett. das taÿlt derr
kaÿser vnter sein Folck aůff den wÿsen zwischen den zweÿen zůsammen
fliessenden wassern der Regen. vnnd der Tůnaw.

Da nůn die vonn Regensbůrck alle schlacht. vnd in denselben vil Folcks
verlornn hettenn. begůnten sie hůnger vnnd mangell zůhabenn
Derhalben hertzog. Lewtolff. mit den fůrnemsten in der Stat zům
Romischenn kayser zcogen. vnd baten den Frid. Aber erlangten den nit.
Angesehen das Hertzog. Lewtolff. noch nit seinem Vater dem kayser
gehorsam wolt laistenn.