Als nůn der Romisch kaÿser vmb den ersten tag des heůmondts wider
in Sachssen was kůmmen. begegent ym der Vngern botschafft. Im
schein vnd fůrgeben. Also wolten sie yn Freůntlich ersůchenn vnd
ansprechen. Wiewol es geschah in mainůng zůbeforschen die
entschafft des kriegs. zwischen dem kaÿser. vnd seinem Sůn.
vnd tochterman. Vnd das sie wolten Hertzog. Lewtolff. von Swaben.
vnnd hertzog. Cůnradt. von Francken. wider den kaÿser hetzen.
vnd ermanen. Vnd wie dem. so entphieng der Romisch kayserr Otto.
doch dieselb botschafft erlich. vnd begabt sie mit viln vnnd
grossen geschencken. vnd schicket sie also herlich vnd gnediglich
wider heym in Vngern. Aber so baldt schicket ÿm sein brůder Hertzog.
hainrich. nach. ym enbietend. das die Vngernn mit grosserr.